Shanhaıda Qytaıǵa eksporttalatyn qazaqstandyq ónimder talqylandy
BEIJІŃ-ShANHAI. QazAqparat -Qazaqstandyq delegatsııa QHR-nyń sapa, ınspektsııa jáne karantındi baqylaý bas basqarmasy ótkizgen Qytaıdyń sapa jónindegi 2-shi konferentsııasyna qatysty, dep habarlaıdy «QazAqparat» HAA Qytaıdaǵy tilshisi.
Delegatsııa quramynda - QR Aýyl sharýashlyǵy vıtse-mınıstri Gúlmıra Isaeva, Veterınarlyq baqylaý jáne qadaǵalaý komıtetiniń tóraǵasy Jomart Núrkenov, Agroónerkásip keshenindegi memlekettik ınspektsııa komıtetiniń tóraǵasy Erjan Aınabekov, «Azyq-túlik kelisimsharttary korporatsııasy» UQ» AQ tóraǵasynyń orynbasary Dáýren Esmaǵambetov bar.
«Búgingi tańda álem boıynsha azyq-túlik ónimderiniń sapasy máselesine basa nazar aýdarylady. Tamaq ónimderiniń ulttyq standarttaryn halyqaralyq talaptarǵa sáıkes úılestirýdiń mańyzdylyǵy sonda. QHR-ynyń sapa, ınspektsııa jáne karantındi baqylaý bas basqarmasy QR Aýyl sharýashylyǵy mınıstrligine ónimderdiń standarttaryn úılestirý boıynsha birlese jumys atqarýǵa, sondaı-aq basqa da standarttardy daıyndaýǵa usynys jasady», - dedi QazAqparatqa bergen suhbatynda QR Aýyl sharýashylyǵy vıtse-mınıstri G.Isaeva.
Álemniń 37 elinen kelgen 680 delegattyń qatysýymen ótken konferentsııa «Sapa saýda-sattyqty jaqsartýdyń negizi jáne taýarlarmen qamtamasyz etý, bolashaqqa jol» taqyrybynda ótti.
