Shanhaıda KVI-den emdeıtin 100-den astam ýaqytsha aýrýhana salyndy

ShANHAI. SINЬHÝA-QazAqparat - Shanhaıda COVID-19 indetin juqtyrǵandardy emdeý úshin 100-den astam ýaqytsha modýldy aýrýhana salyndy. Olar 160 myńnan artyq naýqasqa eseptelgen. Bul týraly megapolıstiń ákimshiligi baspasóz máslıhatynda málim etti, dep habarlaıdy QazAqparat.

«Qalada qazir 8 myńnan astam naýqasty qabyldaı alatyn 8 aýrýhana jumys istep tur. Osy demalysta taǵy jańadan ashylady. Epıdemıologııalyq jaǵdaıǵa qaraı aýrýhanalar men ýaqytsha modýldy statsıonarlardy qajetti resýrstarmen qamtamasyz etý jaǵy kúsheıtiledi», - dedi Shanhaı vıtse-meri Tszýn Mın.

Kúni keshe qalada COVID-19 indetin juqtyrǵan 1015 naýqas tirkeldi, sondaı-aq 22609 adamnyń koronavırýsty sıpmtomsyz tasymaldaýshy ekeni anyqtalǵan.

Baspasóz máslıhatynda aıtylǵandaı, búgin shaharda antıgenderge jalpyqalalyq testileý bastaldy. Al indettiń jaıylýyna jol bermeý úshin COVID-19 nýkleındi qyshqyldaryna jappaı testileýdiń taǵy bir kezeńin ótkizý josparlanyp otyr.

Buǵan deıin Qytaıda koronavırýs juqtyrýdyń rekordtyq sany - 23107 adam tirkelgen bolatyn.