Shanhaıda Qazaqstannyń 20-ǵa jýyq joǵary oqý orny tanystyryldy
BEIJІŃ-ShANHAI. QazAqparat - Shanhaıda ótken bilim jármeńkesinde Qazaqstannyń 20-ǵa jýyq joǵary oqý orny tanystyryldy, dep habarlaıdy «QazAqparat» HAA-nyń Qytaıdaǵy menshikti tilshisi.
«Qazaqstandyq bilim kúni» jármeńkesin Qytaıdaǵy Qazaqstan Elshiliginiń jáne Shanhaıdaǵy Qazaqstannyń Bas konsýldyǵynyń qoldaýymen QR Bilim jáne ǵylym mınıstrliginiń «Halyqaralyq baǵdarlamalar ortalyǵy» AQ uıymdastyrdy.
Qytaıda tanystyrylǵan qazaqstandyq JOO-lardyń qatarynda L.Gýmılev atyndaǵy Eýrazııa ulttyq ýnıversıteti, Pavlodar memlekettik pedagogıkalyq ınstıtýty, Ál-Farabı atyndaǵy Qazaq ulttyq ýnıversıteti, Qazaq ulttyq horeografııa akademııasy, Halyqaralyq bıznes ýnıversıteti bar.
Bilim jármeńkesiniń maqsaty - Qazaqstannyń joǵary oqý oryndarynda bilim alý múmkindikteri jáne olarda bilim alýdyń basymdyqtary týraly keńinen málimet berý.
Otandyq joǵary mektepterge, Qazaqstannan stýdentterdi tartýǵa, stýdenttermen jáne oqytýshylarmen almasýǵa jáne yqpaldastyqtyń ózge de baǵyttaryna úlken qyzyǵýshylyqty Nınbo jáne Shanhaı qalalarynyń ýnıversıtetteri bildirdi.
14-15 jeltoqsan kúnderi osyndaı sharany Beıjiń qalasynda ótkizý josparlanýda.
