Shanhaıda Qazaqstannyń 10 fılmi kórsetiledi

ASTANA. QazAqparat - «Bir beldeý, bir jol» baǵdarlamasy aıasynda halyqaralyq «The Most Credible Award 2018» festıvalinde Qazaqstannyń kınotýyndylary kórsetilmek, dep habarlaıdy QazAqparat tilshisi.

Festıval Shanhaıda 19-20 qazan kúnderi ótedi, oǵan Jibek jolynyń boıynda ornalasqan elderdiń barlyǵy qatysady. Festıvalge Ip Man retinde tanylǵan akter Donnie Yan, akter Sammo Hung, rejısser Zhang Jizhong sekildi tanymal tulǵalar qatysady.

«Qonaqtar qatarynda belgili ánshi Dımash Qudaıbergen de bar. Sondaı-aq, ózge de qazaqstandyq juldyzdar qatysady», - dep málimdedi «KOZ Production» bas dırektory, akter Muhammed-Rasul Kózdibaı.

Onyń sózine qaraǵanda, festıvalge usynylǵan 20 fılmniń altaýy Qytaı kınoprokatyna iriktep alynady. Buǵan qazaqstandyq kınolardyń aıtarlyqtaı múmkindigi bar.

Festıval 124 elge translıatsııa jasalady. Shara qatysýshylary 9 eldiń tanymal medıa ókilderimen tanysý múmkindigine ıe bolady.

Muhammed-Rasul Kózdibaıdyń aıtýynsha, onyń kompanııasy Qazaqstannyń «Uly jol» fılmine qatysý boıynsha Donnie Yan men Djekı Channyń jaýabyn kútip otyr.