Shanhaıda H7N9 qus tumaýy vırýsynan taǵy bir adam kóz jumdy
BEIJІŃ. 26 maýsym. QazAqparat - Shanhaıda H7N9 qus tumaýy vırýsynan taǵy bir adam kóz jumdy, dep habarlady jergilikti densaýlyq saqtaý vedomstvosynan.
Ol - 56 jastaǵy shanhaılyq azamat. 11 sáýirde qus tumaýy vırýsyn juqtyrý dıagnozy rastalǵan bolatyn jáne dárigerlerdiń kúsh salýyna qaramastan, ol búgin tańerteń qalalyq qoǵamdyq densaýlyq saqtaý klınıkalyq ortalyǵynda kóz jumdy.
Osylaısha qytaılyq megapolıstegi bul qaýipti vırýs qurbandarynyń sany 16 adamǵa jetti. Shanhaıda barlyǵy H7N9 vırýsyn juqtyrýdyń 33 oqıǵasy tirkelgen, 15 adam emdeý kýrsynan keıin jazylyp ketse, eki patsıent statsıonarlyq jaǵdaıda emdelýdi jalǵastyrýda.
Jalpy Qytaıda qazirgi ýaqytta H7N9 vırýsyn juqtyrýdyń 131 oqıǵasy rastaldy, sonyń ishinde 39-y ólimmen aıaqtalǵan.
