Shanhaıda erkin saýda aımaǵy iske qosyldy
ASTANA. 29 qyrkúıek. QazAqparat - Qytaıda Shanhaı aýmaǵynda tájirıbelik erkin saýda aımaǵy iske qosyldy, dep habarlady RBK.
Onyń aýmaǵynda jergilikti jáne sheteldik kompanııalar salyqtan bosatylyp, paıyzdyq mólsherlemelerge naryqtyq esepteme engizilmek. Qytaı bıligi eń basty tájirıbe erkin saýda aımaǵynda ıýannyń erkin aıyrbastalýyn engizbek, dep habarlady QHR memlekettik televızııasy.
Erkin saýda aımaǵynyń aýdany 29 sharshy shaqyrymdy quraıdy - oǵan Pýdýn áýejaıy jáne ıAnshan porty sııaqty mańyzdy saýda nysandary kiredi. Osy «kapıtalıstik tájirıbeni» iske qosýǵa Qytaı 4 jyl ázirlendi.
Shanhaıdaǵy erkin saýda aımaǵyn damytý jospary 10 jylǵa eseptelgen. Ázirge onda qyzmet júrgizýge 36 kompanııa lıtsenzııa aldy, olardyń úshten biri - sheteldik kapıtal. QHR basshylyǵy Shanhaıdy ınnovatsııa úshin alań retinde qarastyrady, keıinirek ol eldiń barlyq aýmaǵynda engizilýi múmkin.
Budan buryn qytaı bıligi erkin saýda aımaǵyna sheteldik telekommýnıkatsııalyq kompanııalarǵa ruqsat beretinin habarlaǵan bolatyn - bul qytaı ınternetin yryqtandyrýǵa járdemdesetin bolady.
