Shanhaıda eki metro poıyzy soqtyǵysty
ASTANA. 28 qyrkúıek. QazAqparat - Keshe tústen keıin Shanhaı metropolıteniniń 10-shy jelisinde eki jerasty poıyzy soǵysyp qaldy. Sınhýa agenttigi habarlaǵandaı, oqys oqıǵa jabdyqtyń kútpegen jerden isten shyǵýy saldarynan bolǵan.
Sońǵy derekter boıynsha, apat saldarynan 260 adam ár túrli dene jaraqatyn aldy, dep habarlaıdy ITAR-TASS jergilikti BAQ-qa silteme jasap. Qaıtys bolǵandar týraly derek joq.
Apat ornynda qutqarýshylar, órt sóndirýshiler men jedel járdem brıgadasy jumys isteýde.
