Shanhaıda bir táýlikte 38 adam koronavırýstan qaıtys boldy
ShANHAI. Sınhýa-QazAqparat – Shanhaıda bir táýlikte 788 adam COVID-19 juqtyrǵan jáne 7084 adamnan sımptomsyz koronavırýs anyqtalǵan. Bul týraly qalalyq densaýlyq saqtaý isteri jónindegi komıtet málim etti, dep habarlaıdy QazAqparat Sınhýa agenttigine silteme jasap.
Senbide COVID-19 dıagnozy rastalǵan jańa patsıentterdiń 683-i buǵan deıin koronavırýs ınfektsııasyn sımptomsyz tasymaldaýshylar sanatynda bolǵan.
«Sol kúni Shanhaıda 38 adam koronavırýstan kóz jumdy. Olardyń ortasha jasy – 80,9, al eń úlkeni - 97 jasta edi. Barlyǵynyń qosalqy aýrýlary bolǵan», - dep habarlady qalalyq densaýlyq saqtaý isteri jónindegi komıtet.
Sondaı-aq, 3055 naýqas aýrýhanadan jazylyp shyqqan.
Eske salsaq, QHR Syrtqy ister mınıstrliginiń resmı ókili Chjao Lıtszıan keıbir úndistandyq stýdentterdiń eldegi ýnıversıtetterge oralýyna ruqsat berilýi jóninde aıtqan edi.
