Shanhaı jyljymaıtyn múlik saýdasyna salynatyn salyqty azaıtady
ASTANA. KAZINFORM - Qytaıdyń iri megapolısi Shanhaı bıligi 1 jeltoqsannan bastap jyljymaıtyn múlikti satýǵa salynatyn salyq mólsherin tómendetýdi josparlap otyr. Bul sharalar turǵyn úı naryǵyndaǵy suranysty arttyrýǵa baǵyttalǵan.
Sınhýa agenttiginiń habarlaýynsha, jańa erejege sáıkes, endi biryńǵaı salyq mólsherlemesi 1 paıyzdy quraıdy.
Shanhaı bıligi sondaı-aq jeke tulǵalardy eki nemese odan da kóp jyl ıeliginde bolǵan «lıýks» jyljymaıtyn múlikti satý kezinde 5% QQS tóleýden bosatýdy josparlap otyr.
Jergilikti BAQ-tyń habarlaýynsha, jyljymaıtyn múlik naryǵynyń «baıaý» jaǵdaıynda Qytaı bıligi suranysty yntalandyrýǵa jáne jyljymaıtyn múlik naryǵyn turaqtandyrýǵa arnalǵan salyq, qarjy jáne naryq saıasaty salalarynda birqatar shara engizbekshi.
Qyrkúıek aıynyń basynda Qytaı Halyq banki (Ortalyq bank) Qytaı ekonomıkasyn yntalandyrý úshin birqatar jańa shara, sonyń ishinde qoldanystaǵy úıler boıynsha ıpotekalyq nesıe mólsherlemelerin tómendetiletinin jarııalady.
Osyǵan deıin Qazaqstan men Qytaıdyń 2,5 mlrd dollarǵa kelisim jasaǵany týraly jazdyq.
