Shanhaı yntymaqtastyq uıymy saılaýǵa qatysty eseptiń negizgi qorytyndysyn jarııalady

ASTANA. QazAqparat – Shanhaı yntymaqtastyq uıymy bas hatshysynyń orynbasary Grıgorıı Logvınov Qazaqstandaǵy saılaý kezinde baıqaýshylar mıssııasy jasaǵan eseptiń negizgi qorytyndysyn jarııalady, dep habarlaıdy QazAqparat tilshisi.

«Bizdiń mıssııa Qazaqstan Respýblıkasy Májilisi men máslıhattary depýtattaryn saılaý memleket zańnamasy talaptaryna jáne el qabyldaǵan halyqaralyq mindettemelerge sáıkes ótkenin jarııalap otyr», - dedi Grıgorıı Logvınov elordadaǵy Halyqaralyq baıqaýshylarǵa qolǵabys kórsetý ortalyǵynda ótken brıfıngide.

Onyń aıtýynsha, uıym atynan kelgen mıssııa saılaýdyń zańdylyǵyna kúmán keltiretindeı ulttyq zańnama normalaryn buzý faktilerin anyqtaǵan joq.

«Sondyqtan 19 naýryzdaǵy saılaý demokratııa qaǵıdasyna saı ótti dep málimdeımiz. ShYU baıqaýshylary mıssııasynyń qyzmetin qamtamasyz etýge járdemdeskeni úshin Qazaqstan Respýblıkasy Syrtqy ister mınıstrligine jáne Ortalyq saılaý komıssııasyna alǵysymyzdy aıttyq», - dedi G. Logvınov.