Shanhaı mańynda janyp jatqan tanker jarylýdyń az-aq aldynda tur
ASTANA. QazAqparat - Bul apat ótken senbi kúni Shanhaıdan 260 shaqyrym jerde boldy. Irannan Ońtústik Koreıaǵa munaı ónimderin alyp kele jatqan Sanchi tankeri órtendi, dep habarlaıdy bbc.com.
Ekıpajdyń 32 múshesi - 30 ırandyq jáne Bangadeshtiń eki azamaty iz-túzsiz joǵalǵan. Sońǵy derekterge qaraǵanda, olardyń biriniń denesi tabylǵan. Aspanǵa qara bulttaı kóterilgen ýytty zattardyń kesirinen qutqarýshylar apat ornyna jaqyndaı almaýda.
Qytaı bıligi Sanchi tankeri kez kelgen ýaqytta jarylyp, sýǵa batyp ketýi yqtımal dep málimdedi.
Al onymen soqtyǵysqan qurǵaq júk tasymaldaıtyn CF Crystal kemesindegi 21 ekıpaj múshesiniń eshqaısysy zardap shekken joq. Ol AQSh-tan dán tıep kele jatqan.
Eki kemeni nelikten soqtyǵysqany ázirge anyq emes.
