Shanhaı kınofestıvaline Qazaqstannan eki kınolenta qatysady

ASTANA. KAZINFORM – 14-23 maýsym kúnder aralyǵynda ótetin 26-shy Shanhaı halyqaralyq kınofestıvaliniń (SIIF) ashylýyna Qazaqstannan eki fılm qatysýda.

2024 jylǵy kınofestıvaldiń negizgi konkýrstyq baǵdarlamasyna eki qazaqstandyq fılm kirdi: tolyqmetrajdy kórkem fılmder bólimine rejısser Danııar Salamattyń «The Divorce» fılmi tańdaldy. Bul fılmniń Shanhaı kınofestıvalindegi kórsetilimi onyń álemdik premerasy bolmaq.

«Jańa Azııa talanttary» baǵdarlamasynda Qazaqstan, Reseı jáne Italııa birlesip túsirgen Malıka Mahamedjannyń «Longer than a day» fılmi kórsetiledi. Bul da álemdik premera.

Baıqaýǵa 105 el men aımaqtan 3,7 myńnan astam ótinim kelip tústi. Іrikteý qorytyndysy boıynsha 29 el men aımaqtan 50 fılm bes nomınatsııa boıynsha «Altyn kýbok» júldesin alý úshin tańdaldy, onyń 38-i álemdik premeralar boldy.

Tolyq metrajdy kórkem fılmder nomınatsııasynda bas júldege 14 kınokartına, sonyń ishinde qazaqstandyq «The Divorce» fılmi talasady.

Sonymen qatar, kınofestıval aıasynda «Bir beldeý – bir jol» elderiniń kıno aptalyǵy» ótedi.

Shanhaı halyqaralyq kınofestıvali 1993 jyldan beri ótkizilip keledi.