Shanhaı bırjasynda aktsııa qunynyń arzandaýy saldarynan saýda ýaqytsha toqtatyldy
ASTANA. QazAqparat - Qytaıda Shanhaı jáne Shenchjen qor bırjalarynda qor ındeksteriniń qulaýy saldarynan saýda ýaqytsha toqtatyldy. Qytaılyq ındeksterdiń qulaýy Azııanyń ózge elderinde de seziledi.
Jergilikti ýaqytpen saǵat 15-ke qaraı qytaıdyń 300 jetekshi kompanııa aktsııalarynyń kórsetkishteri negizinde qurylatyn CSI300 ındeksi birden 7 paıyzdyq pýnktke tómendedi. Bul saýdanyń avtomatty túrde ýaqytsha toqtaýyna ákep soqty. Dúısenbide qytaılyq bırjalar jumys istemeıdi.
Saýdanyń avtomatty túrde ýaqytsha toqtaý júıesi 2016 jyldyń basynda engizilgen jáne alǵash ret iske qosyldy.
Sarapshylar aktsııalardyń qulaýyn Qytaıdyń ındýstrııalyq kórsetkishteri ósiminiń asa joǵary bolmaýymen baılanystyrdy.
Sonymen qatar, aktsııalardyń quldyraýyna qytaılyq ekonomıka ósiminiń báseńdeýi jáne bıyl jazda ıýannyń devalvatsııasynan keıin engizilgen iri kompanııalardyń aktsııalaryn satýǵa tyıym salý sheshiminen bas tartýdy kútý de áser etti. Qytaıdaǵy quldyraý tokıolyq bırjada seziledi, munda Nikkei ındeksi shamamen 3%-ǵa qulady.
Ótken jazda Qytaıdaǵy bırja ındeksteriniń qulaýy búkil Azııaǵa jáne aımaqpen baılanysy bar elderge keri áserin tıgizgen bolatyn.
