Shańǵyshylarymyz Azıada jarystaryna daıyn!
ALMATY. 22 qańtar. QazAqparat - Keshe Almatyda, «Shymbulaq» taý shańǵysy sport kesheninde qysqy Azıada oıyndarynyń qarsańynda ótkizilgen qorytyndy synaq jarystary aıaqtaldy.
Qazaqstandyq taý shańǵyshylary eki kúnge sozylǵan jarysta «slalom-gıgant» saıysy boıynsha úzdikterdi anyqtady. Eki árekettiń qorytyndysy boıynsha erler arasynda Igor Zakýrdaev birinshi oryn alsa, ekinshi oryndy - Dmıtrıı Koshkın, al úshinshi oryndy - Pavel Chernıchenko qanaǵat tutty.
Áıelder arasynda úzdik nátıjeni Ksenııa Stroılova kórsetti. Ekinshi orynǵa - Lıýdmıla Fedotova taban tirese, úshinshi oryndy - Marııa Antoshkevıch ıelendi.
Shańǵyshylardyń bas bapkeri Sergeı Chaadaev Jalpy Azııa oıyndarynda 8 sportshyǵa úmit artyp otyr.
