Shańǵyshylar Álem chempıonatyna qatysady
ALMATY. 14 aqpan. QazAqparat /Erlik Erjanuly/ - Erteń Astanadan qazaqstandyq shańǵyshylar Álem chempıonatyna qatysý úshin Norvegııaǵa attanady.
Erler quramasynyń aǵa bapkeri Sergeı Tıshkovtyń aıtýynsha, 7-qysqy Azııa oıyndarynan keıin sportshylardyń bári týǵan jerlerine oralyp, daıyndyqty jeke-dara pysyqtady. 24 aqpanda Oslodada jalaýy kóteriletin Álem chempıonatynda el namysyn erler men áıelder arasynda alty-altydan 12 sportshy qorǵamaq. Olar - Alekseı Poltoranın, Nıkolaı Chebotko, Sergeı Cherepanov, Denıs Volotko, Evgenıı Velıchko, Evgenıı Koshevoı jáne Svetlana Malahova, Elena Kolomına, Tatıana Roşına, Oksana ıAtskaıa, Anastasııa Slonova, Marına Matrosova.
«Bul dúbirli dodada erler arasyndaǵy jarysta 15 shaqyrymdyq klassıkalyq júristen A. Poltoranın men N. Chebotkaǵa úmit artylyp otyr. Onda úzdik úshtikke, estafetalyq synda altylyqqa ený josparlanýda. Al áıelder komandasy olardan álsizdeý, sondyqtan segizdikke ensek jaman bolmas edi», -deıdi Sergeı Vasılevıch. Onyń sózine qaraǵanda, komanda Álem chempıonaty qarsańynda sondaı-aq, 19-20 aqpanda Álem kýbogynyń kezeńdiń jarysynda da baq synaıtyn bolady.
