Shańǵyshy Poltoranın Fınlıandııadaǵy Álem kýbogynyń kezeńine qatysady
ASTANA. QazAqparat - Shańǵy jarysy boıynsha Qazaqstan quramasynyń kóshbasshysy Alekseı Poltoranın aldaǵy kúni Álem kýbogyna qatysady. Jeksenbide ol klassıkalyq úlgide Fınlıandııanyń Lahtı qalasynda 15 shaqyrymdyq qashyqtyqta baǵyn synaıdy, dep habarlaıdy «QazAqparat» HAA tilshisi QR Shańǵy jarysy ulttyq federatsııasyna silteme jasap.
«Olımpıada oıyndarynda Alekseı jeńimpazdar tuǵyryna kóterile almady. Kúsh esebi turǵysynan taktıkalyq qate jiberip aldy. Biraq, soǵan qaramastan bizdiń shańǵyshymyz klassıkalyq úlgide álemdegi úzdik shańǵyshylardyń biri bolyp qala beredi. Jensenbi kúni ótetin jarys ol úshin óte yńǵaıly - Alekseı fındik jarys jolynyń kedir-budyryn óte jaqsy biledi. 15 shaqyrymdyq klassıkalyq ádis - onyń eń beıim saıysy. Dál osy qashyqtyqta ol birneshe márte joǵary deńgeıdegi jarystarda top jarǵan. Komandanyń jetekshiligi, jankúıerler aldaǵy saıysty asyǵa kútýde», - dep habarlaıdy QR Shańǵy jarysy ulttyq federatsııasynyń bas hatshysy Andreı Nevzorov.
Ulttyq quramanyń basqa da sportshylary qazirgi ýaqytta Qazaqstanda júr. Olar búgingi kúni QR chempıonatynyń sheshýshi daıyndyǵynan ótýde. Sonyń aıasynda Halyqaralyq shańǵy federatsııasynyń qoldaýymen saıystar uıymdastyrylady.
Eske sala ketsek, shańǵy jarysynan QR chempıonatynyń bastalýy Şýchınsk qalasyndaǵy shańǵy sportynan jańa Respýblıkalyq bazanyń ashylýymen tuspa-tus kelip otyr. Alekseı Poltoranın de QR chempıonatyna qatysady. Ol shvetsııalyq Falýn shaharynda ótetin Álem kýbogynan keıin Şýchınskke keledi.
