Shańǵyshy Ivan Lıýft Avstrııada ótken FIS start saıysynda top jardy
ASTANA. QazAqparat - Shyǵysqazaqstandyq sportshy Avstrııanyń Sant-Ýlrıham qalasynda ótken halyqaralyq FIS start saıysynda klassıkalyq ádispen júgirýde altyn medal ıelendi, dep habarlaıdy «QazAqparat» HAA tilshisi.
Bul týraly ShQO Dene shynyqtyrý jáne sport basqarmasynyń baspasóz qyzmetinen Eljan Qaıyrjanov málim etti.
«Atalmysh básekede barlyǵy 72 shańǵyshy jarys jolyna shyqty. Olardyń qatarynda ShQO dene shynyqtyrý jáne sport basqarmasynyń «ShQO qysqy sport túrleri boıynsha joǵary sport sheberligi mektebi» KMM-niń tárbıelenýshisi Ivan Lıýft boldy. Máre syzyǵyn 26.55.0. ýaqytymen kesip ótken ShQO shańǵyshysy tuǵyrdyń eń bıik satysynan kórindi. Júlde úshin talasta Ivan Lıýft qos birdeı frantsýz sportshysynan aılasyn asyrdy», - dep habarlaıdy Eljan Qaıyrhanov.
Eske sala ketsek, bul shyǵysqazaqstandyq shańǵyshynyń alǵashqy júldesi emes. Buǵan deıin Fınlıandııanyń Kontıolahtı qalasynda ótken halyqaralyq FIS start jarysynda Ivan 10 shaqyrymdy klassıkalyq ádispen júgirýde top jarǵan bolatyn.
Foto sportvko.gov.kz
