Shańǵymen jarysýdan ÁCh: 50 shaqyrymdyq mass-startta bar júlde norvegııalyqtarǵa buıyrdy
OSLO. QazAqparat - Norvegııalyq shańǵyshy Martın Nenget Oslodaǵy álem chempıonatynda 50 shaqyrymdyq klassıkalyq mass-startta birinshi oryn aldy, dep habarlaıdy QazAqparat.
Ol qashyqtyqty 2 saǵat 3 mınýt 27,3 sekýndta baǵyndyrdy. Ekinshi oryndy taǵy bir norvegııalyq Shýr Rete (0,6 sekýnd artta qaldy) enshiledi, al úshinshi oryndy onyń otandasy Dıdrık Tonset (+3,5) ıelendi. Tórt dúrkin Olımpıada chempıony, álem chempıony jáne tórt dúrkin álem kýbogynyń ıegeri shveıtsarııalyq Darıo Kelıa márege toǵyzynshy bolyp (+1,15,9) keldi.
Aıta keter jaıt, bul onyń sporttyq mansabyndaǵy sońǵy jarysy.
Bıylǵy maýsymda álem chempıonatynyń taǵy bir kezeńi 11-13 naýryzda Shvetsııanyń Falýn qalasynda ótedi.
