Shańǵymen tuǵyrdan sekirýshiler qoıǵan maqsatynan asyp tústi - Pavel Novıkov
ATY. 7 aqpan. QazAqparat /Názıra Eleýhan/ - Tartysty básekede jeńiske jetkenimizge qýanyshtymyz.
Bul sport túrinen qorjynymyzǵa altyn júldesi tústi. Jalpy tuǵyrdan sekirýshi sportshylardyń altyndy da, kúmisti de, qolany da jeńip alǵandaryna qatty rızamyz. Aýa raıy tosyn syılar jasady, keshe jatyǵýlar da aýystyrylǵan bolatyn, soǵan qaramastan jarystar ótip, sportshylarymyz laıyqty óner kórsetti. Bul týraly búgin Almatyda shańǵymen tuǵyrdan sekirýden jarystardyń aıaqtalýyna arnalǵan qorytyndy baspasóz máslıhatynda Ulttyq olımpıada komıtetiniń vıtse-prezıdenti Pavel Novıkov aıtty.
Onyń aıtýynsha, Qazaqstan qurama komandasynyń jattyqtyrýshysy ýádesinde turdy. «Tipti qoıǵan maqsatynan asyp tústi. Biz olarǵa endi osy qarqynnan taımaýlaryn tileımiz», - dedi P.Novıkov.
Qaırat Bekenov te óz qýanyshyn jasyrmady. «Men búgin erekshe kóńil-kúıdemin. Alǵa qoıǵan mindetimiz oryndaldy. Eń bastysy, qansha ter tóktik, sol eńbegimiz aqtaldy, sondaı-aq, el úmiti aqtaldy. Shákirtterimniń el namysyn abyroımen qorǵap shyqqandaryna tántimin», - dedi ol. Onyń aıtýynsha, sportshylar komandalyq synda altyn alýdy josparlaǵan.
Altyn medaldyń ıegeri Evgenıı Levkın: «Qazaqstandyq jankúıerlerdiń qoldaýy maǵan kúsh berdi. Sondyqtan jaqsy óner kórsettim. Ózime rızamyn»,-dedi.
Al qola júldeniń ıegeri Radık Japarov: «Jaqsy daıyndyqtardyń arqasynda jetistikke jettik dep oılaımyn. Biz Azııa oıyndarynan jańa tájirıbe jınadyq. Endi álemdik jarystarda jaqsy óner kórsetetin bolamyz», - degen lebizin bildirdi.
«Biz mejelegen altynnan aıyryldyq. Qazaqstan komandasy shynymen de myqtylyǵyn kórsetti», - dedi Japon qurama komandasynyń jattyqtyrýshysy Kendjı Sýda.
