Shańǵymen tuǵyrdan sekirýden Beıjiń olımpıadasyna kimder qatysady
Qazirgi sátte qazaqstandyq komanda enshisinde erler arasyndaǵy eki kvota bar. Lıtsenzııa jekelegen atletterge emes, komandaǵa beriledi. Sondyqtan, sońǵy sheshimdi qabyldaý quqyǵy bapkerlerge berilgen.
«Osy ýaqytqa deıin úlken jumys atqaryldy. Moıyndaý kerek, irikteý syny óte qıyn ótti. Álemdegi básekelestik kún sanap artýda, pandemııaǵa baılanysty jaǵdaı da bizdiń josparlarymyzǵa birqatar ózgeris alyp keldi. Biz tórt lıtsenzııa ıelendik.
Bizdiń sportshylar qar ústinde de, qurǵaq jerde de jattyǵý ótkizdi. Sporttyq babyn saqtady. Qyrkúıek aıynda Şýchınsk qalasynda shańǵymen tuǵyrdan sekirýden erler arasyndaǵy jazǵy Gran-prı serııasy ótti. K-90 tuǵyrynan sekirýden Sergeı Tkachenko altynshy oryn aldy. Bul Qazaqstan komandasy úshin tarıhı nátıje. Sońǵy álemdik jarystarda Danıl Vasılev pen Sabyrjan Múminov jaqsy kórsetkish tirkep júr.
Dál qazirgi sátte sheshim qabyldaý ústindemiz. Shyndyǵyn aıtar bolsaq, Tkachenko men Múminov arasynda tańdaý jasap jatyrmyz. Olardyń fızıkalyq daıyndyǵyna jiti mán berip, bapkerlermen aqyldasamyz. Sońǵy ári naqty sheshimdi sál keıinirek habarlaımyz. Qazir eń mańyzdy jarys qarsańynda barlyq karantın talaptaryn saqtap, jattyǵý jasap jatyrmyz», - deıdi komandanyń bas bapkeri Qaırat Bıekenov.
