Shańǵymen tuǵyrdan sekirýden Álem kýbogynyń jazǵy kezeńdik jarysynda el namysyn erler arasynda 4 sportshy qorǵaıdy
ALMATY. 6 qyrkúıek. QazAqparat - Bizdiń sportshy jigtterimizge óz elmizdegi shańǵymen tuǵyrdan sekirýden Álem kýbogynyń jazǵy kezeńdik jarysynda úzdik otyzdyqqa kirýge múmkindik bar.
Bul jaıly QR Shańǵymen tuǵyrdan sekirý federatsııasynyń prezıdenti Andreı Varveıkın búgin Almatyda ótkizgen baspasóz máslıhatynda aıtty.
20-23 qyrkúıek kúnderi Almatydaǵy «Suńqar» halyqaralyq shańǵymen tuǵyrdan sekirý kesheninde erler men áıelder arasynda shańǵymen sekirýden Álem kýbogynyń jazǵy kezeńdik jarysy bolady. Daıyndyqtan ótip júrgen qyzdarymyz jas bolǵandyqtan áıelder arasyndaǵy básekege sportshylarmyz qatyspaıdy. Al erler arasyndaǵy dodada el namysyn ulttyq qurama úzdikteri Radık Japarov, Evgenıı Levkın, Nıkolaı Karpenko men Alekseı Korolev qorǵaıdy», - deıdi A.Varveıkın. Onyń aıtýynsha, Halyqaralyq shańǵymen tuǵyrdan sekirý federatsııasynyń talaby boıynsha onda Qazaqstan - 4, al sporttyń bul túri damyǵan álemniń ózge elderi 7 sportshydan qosa alady. Qazaqstandyq sportshylar buǵan deıin jazǵy Álem kýbogynyń Kýrshavel (Frantsııa), Hıntertsarten (Germanııa) men Hakýbede (Japonııada) ótken kezeńdik jarystaryna qatysqan bolatyn. Onda sportshylarymyz báseke qarsańynda bir ret jattyǵý jasap, odan keıin birden saıysqa aralasqandyqtan kórsetkishteri joǵary bolmady. Bul olqylyqtyń ornyn endi óz elimizdegi saıysta tolyqtyrýǵa múmkindik bar.
Jalpy shaańǵymen tuǵyrdan sekirýden Álem kýbogynyń jazǵy kezeńdiń saıystary Qazaqstannan keıin 29 qyrkúıekte Avstrııada, al 3 qazanda Germanııada óz jalǵasyn tabady. Germanııadaǵy aqtyq synda jazǵy Álem kýbogynyń qorytyndysy shyǵarylmaq.
