Shańǵymen tuǵyrdan sekirýden ÁCh: Sergeı Tkachenko qola júldeger atandy
ASTANA. QazAqparat - Shańǵy sportynan Fınlıandııanyń Lahtı qalasynda ótip jatqan jasóspirimder arasyndaǵy álem chempıonatynda Qazaqstan qorjynyna alǵashqy medal tústi. Sergeı Tkachenko tuǵyrdan sekirýden «qolany» jeńip aldy, dep habarlaıdy Olympic.kz.
Altyn medaldi norvegııalyq Tomas Markeng ıelendi. Ol 252.1 upaımen jalpy esepte kósh bastaǵan bolatyn.
Ekinshi orynda 250.8 upaı jınaǵan Germanııa ókili Lýka Roýz tur.
Qazaqstandyq Sergeı Tkachenko 248.9 upaı jınap, úzdik úshtikti túıindegen. Bul álemdik dodada Qazaqstan sportshylary jeńip alǵan alǵashqy júlde ekenin aıta ketken jón.
Sergeı Tkachenko 19 jastaǵy sportshy. Bul onyń mansabyndaǵy eń úzdik nátıjelerdiń biri.
