Shańǵymen syrǵanaý: Poltoranın eki altyn aldy
ASTANA. 18 qarasha. QazAqparat - Mýonıoda (Fınlıandııa) shańǵymen syrǵanaýdan halyqaralyq jarysta qazaqstandyq Alekseı Poltoranın eki qashyqtyqta jeńiske jetti, dep habarlady alaman.kz.
Erler arasynda klassıkalyq stıldegi 10 shaqyrymdyq jarysta qazaqstandyq sportshy birinshi oryn aldy, ekinshi orynda - cheh Lýkash Baýer, úshinshi orynda - germanııalyq shańǵyshy Hannes Dottsler.
Erler arasyndaǵy sprıntte klassıkalyq stılde Alekseı Poltoranın jeńse, ekinshi orynnan Fınlıandııa sportshysy Arı Lýýsa kórindi, al úshinshi bolyp reseılik Anatolıı Volkov keldi.
