Shańǵymen baǵdarlaýshylar O. Novıkova men M. Sorokın Aq Azıadanyń úsh dúrkin chempıondary atandy, qorjynymyzda 17 altyn medal bar
ATY. 3- aqpan. QazAqparat - Qazaqstandyq shańǵymen baǵdarlaýshylar Olga Novıkova men Mıhaıl Sorokın Aq Azıadanyń úsh dúrkin chempıondary atandy. Sóıtip Qazaqstan quramasynyń qorjynyndaǵy altyn medaldardyń sany - 17-ge jetti.
Búgin Almatydaǵy «Soldat» shatqalyndaǵy shańǵy-bıatlon stadıonynda erler men áıelder arysyndaǵy alys qashyqtyqqa júgirý jarysy ótti. Sorokın qashyqtyqty 58 mınýt 6 sekýndta júrip ótti. Sóıtip qatarynan úshinshi ret altynnan alqa taqty. Kúmis julde taǵy bir qazaqstandyq sportshy Alekseı Nemtsevke buıyrdy. Ol chempıonnan 8 mınýt 4 sekýndqa qalyp qoıdy. Kómbege jeńimpazdan 15 mınýt 50 sekýndqa kesh kelgen mońǵolııalyq Gerelt-Od Baıaraa (Gerelt-Od Bayaraa) qola júldeger atandy.
Áıelder arasynda da kúmis júldeni qazaqstandyq baǵdarlaýshy jeńip aldy. Kómbege ekinshi bolyp kelgen Evgenııa Kýzmına Olga Novıkovadan 17 mınýt 19 sekýndqa qalyp qoıdy. Úshinshi oryndy ońtústikkoreılik Kım Dj ıÝn (Kim Ja Youn) aldy. Onyń nátıjesi: 1 saǵat 12 mınýt 56 sekýnd.
Aıta keteıik, buǵan deıin Novıkova men Sorokın sprınterlik saıys pen ortasha qashyqtyqtaǵy jarysta jeńimpaz atanǵan bolatyn. Bıylǵy Azıadada baǵdarlaýshylar baǵdarlamasynda taǵy eki start qarastyrylǵan: 5 aqpan kúni erler men áıelder arasynda estafetalyq jarystar ótedi.
