Shańǵymen baǵdarlaýshylar estafetadan altyn medal alýdy josparlap otyr
ATY. 5 aqpan. QazAqparat /Erlik Erjanuly/ - QR Shańǵymen baǵdarlaý federatsııasynyń prezıdenti Vladımır Telnovtyń aıtýynsha, Aq Azıada aıasynda búgin estafetalyq jarysta Qazaqstan shańǵy baǵdarlaýshylarynyń basty maqsaty - altyn medal alý.
Bul týraly 7-Qysqy Azııa oıyndarynyń baspasóz ortalyǵynyń ınternet saıtynda jazyldy.
V. Telmanov, «maqsatymyz aıqyn - tek altyn alý. Komandamyzdyń basty qarsylasy - sportshylarymyzdyń ózi. Sońǵy núktelerge tabysty jetý tek solarǵa baılanysty. Jalpy, quramamyzdyń kóńil-kúı tamasha, Azıadada alty ret jeńimpaz atandyq, bizdiń shańǵy baǵdarlaý sportynda áli barlyq altyndy utyp alýǵa tolyq múmkindigimiz bar», dep otyr.
Jalpy Soldat saıdaǵy shańǵy-bıatlon stadıonynda ótip jatqan 7-Qysqy Azııa oıyndarynda buǵan deıin 4 medaldar toptamasy salyndy. Onda qazaqstandyqtardan Mıhaıl Sorokın men Olga Novıkova 3 dúrkin Azııa chempıondary atandy. Al Evgenııa Kýzmına 1 kúmis, 2 qola medaldiń ıesi bolsa, Aleksandr Babenko, Vıtalıı Lılıchenko, Alekseı Nemtsev kúmis júldeger atandy. Búgin endi aqyrǵy 2 medaldar toptamasy erler men áıelder estafetasynda bóliske túsetin bolady.
