Shańǵy jarysynan Qazaqstan chempıonaty máresine jetti
ŞÝChINSK. QazAqparat - Aqmola oblysynyń Şýchınsk qalasynda shańǵy jarysynan Qazaqstannyń jazǵy birinshiligi ótti, dep habarlaıdy QazAqparat.
QR Ulttyq olımpıadalyq komıtetinen málim etkendeı, «Býrabaı» kesheninde ótken dodada sportshylar tórt baǵdarlama boıynsha baq synady. 2 qyrkúıek kúni kross básekesi bastalsa, keıin shańǵy rollerinen jekeleı sprınt, klassıkalyq ádistegi jekeleı syn jáne erkin ádispen iz kesý jarysy ótti.
El birinshiligine Qazaqstannyń 11 oblysynan 120 sportshy, Reseıden 3 atlet qatysty.
«Halyqaralyq shańǵy federatsııasynyń qoldaýymen shańǵy rollerinen alǵash ret el birinshiligin ótkizdik. Bul bizdiń shańǵyshylardyń álemdik reıtıngtegi óz nátıjelerin jaqsartýǵa kómektesti. Sondaı-aq, álem chempıony ári Olımpıadanyń qola júldegeri, reseılik Alekseı Petýhovtyń jarysqa qatysýy otandyq sportshylardyń tájirıbesin arttyrýǵa septigin tıgizgeni anyq», - dedi shańǵy sportynan Qazaqstan komandasynyń sporttyq menedjeri Aleksandr Batıaıkın.
Sonymen qatar, chempıonat barysynda tóreshiler semınary, kásibı sportshylardyń ashyq sabaǵy jáne RF eńbek sińirgen jattyqtyrýshysy ıÝrıı Kamınskııdiń bapkerlerge arnalǵan jıyny uıymdastyryldy.
