Shańǵy jarysy: Fınlıandııada Poltoranın úzdikter qataryna kirmeı qaldy
ASTANA. QazAqparat - Fınlıadııanyń Rýka kýrortty aımaǵynda ótken shańǵy jarysynan álem kýboginiń birinshi kezeńinde qazaqstandyq sportshylar úzdik otyzdyqtan syrt qaldy, dep habarlaıdy QazAqparat tilshisi.
QR Ulttyq olımpıadalyq komıtetiniń baspasóz qyzmeti málim etkendeı, atalǵan syn Qazaqstan komandasy úshin bıylǵy jyldyń alǵashqy resmı týrnıri bolatyn. Ókinishke qaraı, Alekseı Poltoranın bastaǵan shańǵyshylar aýyz toltyryp aıtarlyqtaı nátıje kórsete alǵan joq.
Klassıkalyq ádispen 15 shaqyrymǵa jarysta Poltoranın márege 27-shi bolyp keldi.
Álem kýboginiń aldynda oqý-jattyǵý jıynyn ótkizgen ulttyq qurama jaz, kúz aılarynda da maýsymǵa daıyndyqty toqtatpaǵan bolatyn. Dese de, sportshylarymyzdyń tómengi satylardan kórinýine olardyń áli tolyqtaı babyna kelmegeni sebep bolýy múmkin.
Ázirge bizdiń komandadaǵy eń joǵarǵy kórsetkish - Alekseı Poltoranın ıelengen 27-shi oryn. Qalǵan sportshylarymyz úzdik otyzdyq qatarynan áldeqaıda alysta.
Shańǵy jarysynan álem kýboginiń birinshi kezeńindegi nátıjeler:
Sprınt, áıelder
1.ıÝlııa Belorýkova (Reseı);
2.Maııa Dalkvıst (Shvetsııa);
3.Ida Ingemarsdotter (Shvetsııa);
...60.Anna Shevchenko (Qazaqstan);
...65.Elmıra Mýtagarova (Qazaqstan);
...67.Irına Bykova (Qazaqstan);
...72.Ksenııa Shalygına (Qazaqstan)
Sprınt,erler
1.Aleksandr Bolshýnov (Reseı);
2.Iohannes Klebo (Norvegııa);
3.Eırık Brandsdal (Norvegııa);
...39.Alekseı Poltoranın (Qazaqstan);
...56.Konstantın Bortsov (Qazaqstan);
...57.Denıs Volotka (Qazaqstan);
...58.Nıkolaı Chebotko (Qazaqstan);
...74.Áset Dúısenov (Qazaqstan)
