ShAŃǴY: «Týr de Skı» kópkúndiginde A.Poltoranın kúmis júldeger atandy
ASTANA. QazAqparat - Búgin Italııanyń Val dı Fıemme qalasynda «Týr de Skı» kópkúndiginde 15 shaqyrym qashyqtyqta erler arasynda klassıkalyq ádispen shańǵy jarysy márege jetti.
Qazaqstandyq Alekseı Poltoranın óziniń súıikti qashyqtyǵynda jaqsy óner kórsete bildi. Únemi aldyńǵy lekte bolǵan Alekseı men sońǵy sátterde ushqyrlyq tanytqan nemis shańǵyshysy Tım Charnkeniń qaısysy jeńimpaz atanǵanyn fotomáre ǵana anyqtady. Sóıtip shańǵysynyń ushy sál alda bolǵan T.Charnke chempıon atansa, A.Poltoranınge kúmis júlde buıyrdy. Shveıtsarııalyq Darıo Kolonıa úshinshi oryndy enshiledi.
Erteń «Týr de Skı» kópkúndiginiń sońǵy jarysy bolmaq. Shańǵyshylar 9 shaqyrym qashyqtyqqa erkin ádispen jarysady.
Eske sala keteıik, budan buryn osy kópkúndikte A.Poltoranın klassıkalyq ádispen 10 km qashyqtyqta jeńimpaz atanǵan bolatyn.
