Shańǵy sportynyń soltústik óńirlerdegi tanymaldylyǵyn arttyrýǵa basa nazar aýdarýymyz qajet - Ó.Shókeev
ASTANA. Qazannyń 17-si. QazAqparat /Marlan Jıembaı/ - Búgin QR Premer-Mınıstriniń birinshi orynbasary Ómirzaq Shókeev shańǵy jarysy boıynsha Qazaqstan ulttyq quramasynyń sportshylarymen jáne jattyqtyrýshylarymen kezdesti.
Shańǵy sporty, ásirese, Qazaqstannyń soltústik óńirlerindegi buqaralyq sport túrine aınalýy qajet ekendigin atap ótken ol: «Biz tek qana chempıonattar jáne aldaǵy Azıada týraly ǵana oılamaýymyz kerek. Sonymen qatar shańǵy sportynyń soltústik óńirlerdegi tanymaldylyǵyn arttyrýǵa da basa nazar aýdarýymyz qajet», - dedi.
Sondaı-aq ol óz sózinde barlyq jalpy bilim beretin mektepterdi shańǵy sportymen aınalysýǵa qajetti buıymdarmen jabdyqtaý, qys mezgilinde jarystar ótkizip turýǵa nazar aýdarý qajettigine de toqtalyp ótti.
Ó.Shókeev sonymen qatar elorda ákimdigine qalanyń barlyq saıabaqtarynda shańǵy joldaryn qurý máselesimen aınalysýǵa tapsyrma berdi.
Aıta keteıik, QR Premer-Mınıstriniń birinshi orynbasary ári elimizdiń Shańǵy jarystary federatsııasynyń prezıdenti Ó.Shókeevpen kezdesken el sportshylary búgin Eýropaǵa jol tartyp, onda olar Avstrııa, Fınlıandııa, Shvetsııa, Germanııa, Italııa memleketterinde ótetin birqatar daıyndyq jıyndary men jarystarǵa qatysady.
