Shańǵy sportynan álem kýbogynyń birinshi kezeńine Qazaqstan atynan kimder qatysady
ASTANA. QazAqparat - Shańǵy sportynan Qazaqstan ulttyq quramasynyń bapkerler keńesi Fınlıandııada ótetin álem kýbogynyń birinshi kezeńine qatysatyn sportshylar tizimin jarııalady, dep habarlaıdy QazAqparat tilshisi.
QR Ulttyq olımpıadalyq komıtetiniń baspasóz qyzmeti málim etkendeı, Qazaqstan atynan jalpy esebi 11 shańǵyshy synǵa túsedi.
Álem kýbogynda Qazaqstan atynan Alekseı Poltoranın, Nıkolaı Chebotko, Vıtalıı Pýhkalo, Denıs Volotka, Konstantın Bortsov, Áset Dúısenov, Anna Shevchenko, Valerııa Tıýleneva, Irına Bykova, Elmıra Mýtagarova jáne Ksenııa Shalygınalar qatysady.
Álem kýbogy jyldaǵy dástúr boıynsha, Fınlıadııanyń soltústik-shyǵysyndaǵy Rýka qalasynda 24-25 qarasha kúnderi eki qashyqtyqta synǵa túsedi.
«Qandaı da bir boljam aıtý qıyn. Bizdiń sportymyzda jarystyń qandaı sıpat alatynyn dóp basyp aıtý múmkin emes. Biz daıyndyqty jaqsy ótkizdik, sondyqtan, sportshylar sońyna deıin tyrysady dep senemin. Komandadaǵy árbir sportshy júldeli orynǵa qol jetkizý úshin aıanyp qalmaıdy», - deıdi Vıtalıı Pýhkalo.
Bul kúnderi ulttyq qurama komandanyń 14 múshesi Fınlıandııada oqý-jattyǵý jıyndaryn ótkizýde.
