Shańǵy sportynan álem chempıonatynda qazaqstandyq sportshy 5-shi bolyp keldi
ASTANA. QazAqparat - Lahtıde «Fınlıandııa» jastar men jasóspirimder arasynda shańǵy sportynan álem chempıonaty jalǵasýda. Qazaqstandyq Valerııa Tıýleneva erkin stılde 10 km qashyqtyqta sátti óner kórsetti, dep habarlaıdy QazAqparat Olympic.kz.
Jerlesimiz jarysta besinshi bolyp kelip, úzdik ondyqqa ilikti. Onyń márege kelý ýaqyty 26:35.4. boldy.
Birinshi oryndy 25:57.3. ýaqytta kelgen reseılik Marııa Istomına alsa, ekinshi orynǵa 25.59.3. kórsetkishimen fınlıandııalyq Evelına Pııpo taban tiredi. Úzdik úshtikti 26.26.9. ýaqytymen Norvegııadan kelgen sportshy Ýdnes Veng qanaǵat tutty.
Sondaı-aq qazaqstandyqtardan arasynda Ivan Lıýft sátti óner kórsetti. Ol erler arasyndaǵy sprıntten 11-shi bolyp keldi.
