Shańǵy sporty: A.Poltoranın «Týr de Skı» jarysynda besinshi oryndy ıelendi
ASTANA. QazAqparat - Shveıtsarııanyń Lentserhaıde mekeninde shańǵymen júgirýden jalǵasyp jatqan «Týr de Skı» kópkúndik jarysynyń ekinshi kezeńinde erler arasyndaǵy klassıkalyq stılmen 30 km qashyqtyqta Qazaqstannyń mańdaıaldy sportshysy Alekseı Poltoranın besinshi oryndy ıelendi.
Vesti.kz saıtynan alynǵan málimetke qaraǵanda, barlyq júldeli oryndy norvegııalyq shańǵyshylar enshiledi. Martın Ionsrýd Sýndbıý jeńimpaz atansa, Petter Nortýg pen Dıdrık Tonset ekinshi, úshinshi oryndy bólisti. A.Poltoranın jarys jeńimpazynan 38,6 sekýndqa qalyp qoıdy.
Álemniń kóshbasshy shańǵyshylarymen taıtalasyp júrgen Alekseı qazir 28 jasta. Sońǵy «Týr de Skı» jarysynda bir kezeń jeńimpazy atansa, taǵy birinde kúmis júldeger atanǵan edi. Sonymen qatar 2013 jyly eki márte kezeń jeńimpazy atanǵan edi. Óziniń sózine qaraǵanda, endigi maqsat - osy kórsetkishti jaqsartý. Árıne, norvegııalyqtarmen jalǵyz kúresý qıyn. Olardy utý úshin jaqsy daıyndyq kerek.
Aıta keteıik, A.Poltoranın - álem chempıonatynyń 2013 jylǵy qola júldegeri, sonymen qatar Azııa oıyndarynyń tórt dúrkin jeńimpazy.
