Shańǵy sporty: A.Poltoranın «Týr de Skı» jarysynda 10 km qashyqtyqta jetinshi keldi
ASTANA. QazAqparat - Shveıtsarııanyń Lentserhaıde mekeninde shańǵy sportynan ótip jatqan «Týr de Skı» kópkúndik jarysynyń úshinshi kezeńinde erler arasyndaǵy erkin stılmen izge túsip jarysýda 10 km qashyqtyqta qazaqstandyq Alekseı Poltoranın jetinshi orynnan kórindi.
Eýrosport telearnasynan tikeleı efırde kórsetkenindeı, bul joly da norvegııalyq Martın Ionsrýd Sýndbıý eshkimge des bermeı, márege jekedara jetip, jeńimpaz atandy. Alǵashqy ondyqtyń qatarynda kele jatqan A.Poltoranın márege taıalǵanda, qarqynyn údetip, jetinshi orynǵa ilikti. Bul da - jaqsy kórsetkish.
Eske sala keteıik, Qazaqstannyń kóshbasshy shańǵyshysy keshe klassıkalyq stılmen 30 km qashyqtyqta besinshi oryndy ıelengen bolatyn.
