Shańǵy federatsııasy Alekseı Poltoranınge qandaı jaza taǵaıyndalatynyn jarııa etti
ASTANA. QazAqparat - Zeefıldte ótip jatqan Álem chempıonatynda dopıng daýyna ilkken shańǵyshylar ýaqytsha jarystan shettetildi, dep habarlaıdy Sports.kz.
Estonııalyq sportshylar Karel Tammıarv men Andreas Veerpalý, sondaı-aq Qazaqstan ókili Alekseı Poltoranın Halyqaralyq shańǵy sporty túrleri federatsııasynan shettetildi. Al Domınık Baldaýf pen Maks Haýkeni sporttan Avstrııanyń Ulttyq dopıngke qarsy agenttigi shetteti.
5 sportshynyń barlyǵy 2019 jylǵy Álem chempıonatynda qanǵa jiberiletin dopıng qabyldaǵandaryn moıyndady.
«Shańǵy federatsııasy dopıngtiń kez kelgen túrine qarsy. Taza sportshylar men bizdiń sportymyzdyń erejelerin ashyqtan ashyq elemeıtin kez kelgen sportshy jáne azamat jazalanady. Dopıngke qarsy erejelerdi buzǵan sportshylar zań boıynsha da sporttyq jetistikteri boıynsha da qıyndyqtarǵa tap bolady. Bizdiń búgingi sheshimimiz ózge sportshylarǵa osyny aıqyn túsindiredi degen oıdamyn»,-dedi Shańǵy federatsııasynyń prezıdenti Djanfranko Kasper.
