Shańǵy: álem chempıonatynyń sońǵy básekesinde A.Poltoranın jetinshi oryndy ıelendi
ASTANA. QazAqparat - Búgin Shvetsııanyń Falýn qalasynda shańǵy sportynan álem chempıonaty márege jetti.
Erler arasyndaǵy eń uzaq qashyqtyq - 50 kılometrlik klassıkalyq jarysta qazaqstandyq shańǵyshylar da synǵa tústi. Qazaqstan quramasynyń kóshbasshysy Alekseı Poltoranın bul básekede únemi aldyńǵy saptan kórinip otyrdy. Úzdiksiz qar jaýǵandyqtan, shańǵyshylarǵa jarysý ońaıǵa tıgen joq.
Básekeniń eń sońǵy bóliginde ushqyrlyq tanytqan ataqty norvegııalyq Petter Nortýg chempıon atansa, chehııalyq Lýkash Baýer ekinshi, shvetsııalyq Iohan Olsson úshinshi keldi. A.Poltoranın taǵy bir norvegııalyq Dıdrık Tensetpen birdeı nátıje kórsetkenimen, fotomáre qorytyndysy boıynsha qazaqstandyq shańǵyshy jetinshi orynǵa kóterildi. Qazaqstandyq shańǵyshylardyń únemi shań qaýyp qalatynyn eskersek, bul jaman nátıje emes.
