Shańǵymen tuǵyrdan sekirý: el quramasy Shveıtsarııadaǵy jarystaǵy nátıjesi qandaı
ASTANA. KAZINFORM — Shveıtsarııanyń Aınzıdeln qalasynda Halyqaralyq shańǵy jáne snoýbord federatsııasynyń (FIS) uıymdastyrýymen ótken shańǵymen tuǵyrdan sekirýden halyqaralyq jarystar aıaqtaldy.
Áıelder arasynda qurlyqaralyq kýbok kezeńderi ótti. Jarystyń alǵashqy kúninde Qazaqstan quramasy sapyndaǵy eń úzdik nátıjeni Alena Svırıdenko kórsetti. Ol 21-orynǵa ıe boldy. Vıktorııa Rýleva 42-oryn, Veronıka Shıshkına 48-oryn aldy.
Ekinshi jarysta Veronıka Shıshkına 44-orynǵa turaqtady. Vıktorııa Rýleva 46-oryn, Alena Svırıdenko 50-orynnan kórindi.
Erler arasynda FIS Cup básekeleri uıymdastyryldy. 12 qyrkúıektegi jarysta Danııl Kalınkın fınaldyq kezeńge joldama alyp, jarysty 27-orynmen aıaqtady. Davıd Gaal 52-oryn, Artem Meshkov 56-oryn aldy.
Ekinshi jarys kúni qazaqstandyqtar arasyndaǵy úzdik nátıjeni Devıatkın kórsetti — 31-oryn. Danııl Kalınkın 35-oryn, Artem Meshkov 45-oryn, Davıd Gaal 54-orynǵa ornalasty.
Eske salaıyq, buǵan deıin bıylǵy Azııa oıyndary el namysyn 559 sportshy qorǵaıtynyn habarlaǵanbyz.
