Shańǵy jarysynan Qytaı chempıonatynda eki qandasymyz 3 altyn medal jeńip aldy

ASTANA. KAZINFORM - Qytaıdyń Altaı qalasyndaǵy Sarybulaq shańǵy bazasynda ótken Qytaıdyń Ulttyq chempıonatynda qandastarymyz úsh altyn medal jeńip aldy. Bul týraly xinjiangnet.com.cn saıty habarlady.

«Qytaıdyń qarly astanasy» atalatyn Altaı qalasynda 24 aqpannan beri ótip jatqan el birinshiliginde Qytaıdyń túkpir-túkpirinen kelgen 18 komanda baq synap jatyr. Jeti kúnge jalǵasatyn atalǵan jarystyń 3-shi kúngi qortynydysy boıynsha eki qandasymyz 3 altyn medal qanjyǵalaǵan.

Jarystyń alǵashqy kúninde erler arasyndaǵy qýdalaý (persıýt) jarysynda Shyńjań shańǵy komandasynyń sportshysy Samǵar Serikuly altyn medal oljalady. Al 25 aqpanda erler arasyndaǵy qysqa qashyqtyqqa júgirýde (jeke sprınt) Shyńjań shańǵy komandasynyń sportshysy Ernar Ábdilhanuly chempıon atandy. Sonymen birge jarystyń úshinshi kúni erler arasyndaǵy 10 shaqyrymdyq klassıkalyq stıldegi jarysta Samǵar Serikuly taǵy da altyn medal jeńip alǵan.

Aıta keteıik, buǵan deıin Qytaıda qandasymyz jeńil atletıkadan bas júldeni jeńip alǵany týraly jazǵan bolatynbyz.