Shańǵy jarysy: áıelder quramasy Azııa oıyndarynyń kúmis júldegeri atandy

ASTANA. KAZINFORM – Búgin IX qysqy Azııa oıyndarynda shańǵy jarysynan áıelder komandasy arasyndaǵy estafeta ótti.

Bul synda (4×5 km) Ulttyq qurama márege Qytaıdan keıin keldi. Úzdik úshtikti Japonııa shańǵyshylary túıindedi.

Jarys jolyna Kamıla Elǵazınova, Ksenııa Shalygına (klassıkalyq ádis), Angelına Shýryga men Nadejda Stepashkına (erkin ádis) shyqty.

Munda barlyǵy 6 eldiń quramasy júldege talasty. Endi Astana ýaqytymen saǵat 10:00-de erler arasyndaǵy (4×7.5 km) estafeta bastalady.

Aıta keteıik, bul shańǵy jarysynan Harbın-2025 básekesinde Qazaqstan qorjynyna túsken 3-júlde. Osyǵan deıin jekeleı synda Konstantın Bortsov kúmis, Oljas Klımın qola oljalaǵan.

Kerlıngten Qazaqstan qyzdar quramasy Qatardy iri eseppen jeńgen edi.