Shańdy daýyl, jel, jańbyr - jeksenbige arnalǵan aýa raıy boljamy

QR basym bóliginde qubylmaly aýa raıy kútiledi. Naızaǵaı, burshaq, daýyl, soltústik-batysta, soltústikte, shyǵysta qatty jańbyr jaýady.

Tek elimizdiń ońtústik-batysynda, ońtústiginde jaýyn-shashynsyz aýa raıy kútiledi. Respýblıka boıynsha jeldiń kúsheıýi, soltústikte – tuman, ońtústik-batysta, ońtústikte – shańdy daýyl soǵady.

Kúndiz Shyǵys Qazaqstan oblysynyń ońtústiginde, soltústiginde, ortalyǵynda naızaǵaı, burshaq, daýyl kútiledi, jel 15-20 m/s kúsheıedi, kúndiz ekpini 25 m / s jetedi.

Almaty oblysynyń ońtústiginde, shyǵysynda jáne taýly aýdandarynda naızaǵaı kútiledi, shyǵysta jáne oblystyń taýly aýdandarynda jel 15-20, kúndiz ekpini 25 m/s kúsheıedi. Qostanaı oblysynyń batysynda, ońtústik-batysynda naızaǵaı, burshaq, daýyl soǵady.

Túnde Aqmola oblysynyń shyǵysynda naızaǵaı, túnde jáne tańerteń oblystyń soltústiginde – tuman, oblystyń ońtústiginde, shyǵysynda – 15-20 m/s jel kúsheıedi.

Kúndiz Jambyl oblysynyń taýly aýdandarynda naızaǵaı, burshaq, daýyl kútiledi, kúndiz naızaǵaı kezinde jel 15-20 m/s kúsheıedi. Túrkistan oblysynyń soltústiginde shańdy daýyl, oblystyń soltústiginde, taýly aýdandarda jeldiń jyldamdyǵy 15-20 m/s jetedi. Pavlodar oblysynyń ońtústiginde naızaǵaı, burshaq kútiledi, jel 15-20 m/s soǵady.

Kúndiz Mańǵystaý oblysynyń ońtústiginde shańdy daýyl soǵyp, jel 15-20 m/s kúsheıedi. Kúndiz Aqtóbe oblysynyń soltústiginde, shyǵysynda naızaǵaı, kúndiz shyǵysta, oblys ortalyǵynda jeldiń jyldamdyǵy 15-20 m/s jetedi.

Túnde Qaraǵandy oblysynyń soltústiginde, shyǵysynda, kúndiz oblystyń batysynda naızaǵaı, kúndiz oblystyń shyǵysynda 15-20 m/s jel kúsheıedi. Batys Qazaqstan oblysynyń batysynda, soltústik jartysynda, kúndiz Atyraý oblysynyń soltústik-shyǵysynda naızaǵaı oınaıdy.

Túnde jáne tańerteń Soltústik Qazaqstan oblysynyń ońtústiginde tuman túsedi.

Kúndiz Atyraý, Aqtóbe, Mańǵystaý oblystarynyń ońtústiginde qatty ystyq bolady.

Qyzylorda ​​oblysynyń ortalyǵynda tótenshe órt qaýipi saqtalady.