Shańdy daýyl, jańbyr, jel: 7 mamyrǵa arnalǵan aýa raıy
NUR-SULTAN. QazAqparat - Sınoptıkter 7 mamyrda Qazaqstanda aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstannyń basym bóligine antıtsıklonnyń áserinen jaýyn-shashynsyz aýa raıy kútiledi. Respýblıkanyń batys, ońtústik-batys jáne ońtústiginde atmosferalyq fronttarǵa baılanysty keı jerlerde jańbyr jaýady. Al ońtústik-batysta kúndiz nóser jańbyr jaýady.
Keı jerlerde jel kúsheıip, batysta, ońtústik-batysta jáne ońtústikte – shańdy daýyl soǵady.
Mańǵystaý oblysynyń keı jerlerinde jel ekpini 15-20 m/s deıin kúsheıedi, kúndiz keı jerlerde shańdy daýyl turady.
Túrkistan oblysynyń keı jerlerinde daýyl soǵady, jel qarqyny - 15-20 m/s.
Qyzylorda oblysynyń keı jerlerinde shańdy daýyl turady. Túnde - keı jerlerde, kúndiz - oblystyń basym bóliginde jel jyldamdyǵy 15-20 m/s jetedi.
Almaty oblysynyń keı jerlerinde jel ekpini - 15-20 m/s. Kúndiz Alakól aýdanynda sekýndyna 23 metr jyldamdyqpen jel esedi.
Atyraý, Jambyl, kúndiz Batys Qazaqstan, Aqtóbe, Qaraǵandy oblystarynyń keı jerlerinde jel 15-20 m/s deıin kúsheıedi.
