Shańdy daýyl, tuman jáne jel: 15 sáýir kúngi aýa raıy boljamy
NUR-SULTAN. QazAqparat – 15 sáýirde Qazaqstanda shańdy daýyl, tuman jáne jel soǵady, dep habarlaıdy QazAqparat «Qazgıdromet» RMK-ǵa silteme jasap.
Mańǵystaý oblysynda kúndiz keı jerlerde shańdy daýyl bolady, Aqtaýda shańdy daýyl kúndiz bolýy yqtımal.
15 sáýirde Batys Qazaqstan oblysynyń keı jerlerinde tuman, kóktaıǵaq bolady, jel 15-20 m/s-ke deıin kúsheıedi.
Aqmola oblysynyń keı jerlerine tuman túsedi. Jel ońtústik-batystan soǵyp, jyldamdyǵy keı jerlerde 15-20 m/s-ke jetedi. Kókshetaýda túnde jáne tańerteń tuman túsedi. Jel ońtústik-batystan soǵyp, tańerteń jáne kúndiz ekpini 15-20 m/s-ke jetedi.
Qostanaı oblysynda kúndiz ońtústik-batystan soqqan jeldiń ekpini 18 m/s bolady dep kútilýde.
Kúndiz Soltústik Qazaqstan oblysynda jańbyr jaýady. Keı jerlerde naızaǵaı oınaıdy.
15-16 sáýirde eldiń birqatar aýmaǵyna tuman túsedi. Ońtústik-batystan túnde 15-20 m/s jyldamdyqpen jel soǵady, kúndiz 15-20, keı jerlerde ekpini 25 m/s bolýy múmkin. Petropavlda kúndiz naızaǵaı oınaıdy.
