Shańdy daýyl, naızaǵaı, aptap: 3 tamyzǵa arnalǵan aýa raıy boljamy
NUR-SULTAN. QazAqparat - «Qazgıdromet» mamandary 3 tamyz, dúısenbige arnalǵan aýa raıy boljamyn jarııalady, dep habarlaıdy QazAqparat.
Qazaqstan aýmaǵynyń basym bóligi antıtsıklon yqpalynda bolǵandyqtan 3 tamyzda kún ashyq bolady.
Tek elimizdiń batysynda ǵana naızaǵaı jarqyldap, jańbyr jaýady. Daýyl jáne shańdy daýyl soǵyp, burshaq jaýýy yqtımal.
Respýblıkanyń keı jerlerinde jel kúsheıedi.
Mańǵystaý, Atyraý oblystarynyń keı jerlerinde kún kúrkirep, shańdy daýyl turady. Burshaq jaýýy yqtımal. Kúndiz óńirdiń basym bóliginde jel 17-23 m/s deıin kúsheıedi.
Batys Qazaqstan oblysynyń keı jerlerinde naızaǵaı oınap, shańdy daýyl turady. Burshaq jaýýy yqtımal, keı jerlerde jer jyldamdyǵy - 15-20 m/s.
Almaty, Jambyl oblystarynyń keı jerlerinde naızaǵaı jarqyldaıdy. Almaty oblysynda kún kúrkirep, jel ekpini 15-20 m/s jetedi.
Qaraǵandy, Aqmola, Pavlodar, Soltústik Qazaqstan, Qostanaı, Aqtóbe oblystarynyń keı jerlerinde jel 15-23 m/s kúsheıedi.
Shyǵys Qazaqstan oblysynyń keı jerlerinde naızaǵan jarqyldap, shańdy daýyl turady. Jel 15-20 m/s deıin kúsheıedi.
Qyzylorda oblysynyń keı jerlerinde jel qarqyny - 15-20 m/s. Shańdy daýyl soǵady.
Qyzylorda, Aqtóbe, Qostanaı, Aqmola, Soltústik Qazaqstan, Shyǵys Qazaqstan, Atyraý, Pavlodar jáne Qaraǵandy oblysynda qatty ystyq bolady.
Qyzylorda oblysynda, Túrkistan, Aqtóbe oblystarynyń basym bóliginde, Qaraǵandy, Almaty, Jambyl oblystarynyń keı jerlerinde tótenshe órt qaýpi saqtalady.
