Shańdy daýyl, burshaq, jaýyn - Beısenbige arnalǵan aýa raıy
ASTANA. QazAqparat - «Qazgıdromet» RMK 26 shildege arnalǵan aýa raıy boljamyn usynady, dep habarlaıdy QazAqparat.
Qazaqstannyń basym bóliginde antıtsıklondyq yqpal saqtalady, atmosferalyq aýa aǵyndardyń ótýine baılanysty tek soltústik, ortalyq jáne shyǵystarynyń keı jerlerinde naızaǵaımen birge jańbyr jaýady. Kúndiz keı jerlerde soltústik boıynsha burshaq jaýýy múmkin, jel kúsheıip ońtústiginde shańdy daýyl turady.
Respýblıkanyń keı jerlerinde tuman kútiledi. Soltústik Qazaqstan, Aqmola, Qaraǵandy, Shyǵys Qazaqstan oblystarynda túnde jáne tańerteń keı jerlerde tuman túsedi, kúndiz keı jerlerde jel 15-20 m/s, Soltústik Qazaqstan oblysynda keı jerlerde daýyl, burshaq jaýýy múmkin.
Pavlodar oblysynda keı jerlerde tuman kútiledi. Jambyl, Túrkistan, kúndiz Qyzylorda oblystarynyń keı jerlerinde jel 15-20, Qyzylorda oblysynda ekpini 23-28 m/s kúsheıedi. Mańǵystaý, kúndiz Atyraý oblystarynyń keı jerlerinde jeldiń jyldamdyǵy 15-20 m/s jetedi. Mańǵystaý oblysynda kúndiz keı jerlerinde shańdy daýyl turady.
Atyraý, Batys Qazaqstan, keı jerlerde Aqtóbe, Mańǵystaý oblystarynda qatty ystyq kútiledi. Qyzylorda, Túrkistan, keı jerlerinde Aqtóbe, Atyraý, Batys Qazaqstan, Mańǵystaý, Qostanaı, Jambyl, Almaty oblystarynda joǵary órt qaýipi saqtalady.
