Shańdy daýyl, burshaq, jaýyn - 29 mamyr kúngi aýa raıy boljamy
ASTANA. QazAqparat - «Qazgıdromet» RMK 29 mamyrǵa arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndarynyń ótýine baılanysty Qazaqstannyń basym bóliginde jańbyr, shyǵysta jaýyn-shashyn, naızaǵaı, daýyl bolady. Tek ońtústikte jáne ońtústik-batysta jaýyn-shashynsyz aýa raıy kútiledi. Keı jerlerde tuman, shańdy daýyl bolyp, burshaq jaýýy múmkin.
Qyzylorda oblysynyń keı jerlerinde tańerteń jáne kúndiz daýyl, shańdy daýyl, jeldiń kúsheıýi 15-23 m/s kútiledi.
Soltústik Qazaqstan, Qostanaı oblystarynyń keı jerlerinde tuman, daýyl, burshaq bolýy múmkin, túnde basym bóliginde, kúndiz keı jerlerinde jel 15-20 jyldamdyqpen soǵady.
Aqmola, Aqtóbe oblystarynyń, tańerteń jáne kúndiz Qaraǵandy jáne Pavlodar oblystarynyń keı jerlerinde jel kúsheıip, burshaq bolýy múmkin, Aqmola oblysynyń keı jerlerinde daýyl bolady.
Túnde Almaty jáne Jambyl oblysynyń keı jerlerinde tuman kútiledi. Batys Qazaqstan, Shyǵys Qazaqstan oblystarynyń, kúndiz Ońtústik Qazaqstan, Mańǵystaý, Atyraý oblystarynyń keı jerlerinde jel 15-20 m/s soǵady.
