Shandor Kovach: Saılaýda Eýropa elderindegideı barlyq halyqaralyq standart saqtalǵan
NUR-SULTAN. QazAqparat - QR Prezıdentiniń kezekten tys saılaýyna halyqaralyq baıqaýshy retinde kelgen Majarstan memlekettik jınalysynyń (Parlament) depýtaty Shandor Kovach saılaýdyń mereke sııaqty ótip jatqanyn aıtady, dep habarlaıdy QazAqparat tilshisi.
«Qazaqstanda buǵan deıin de bolǵanmyn. Osydan onshaqty jyl buryn elderińizde saılaýdyń mereke sııaqty ótetin kórgen edim. Búgin de dál solaı bolyp jatyr. Uıymdastyrý jaǵyna keler bolsaq, Eýropa elderindegideı barlyq halyqaralyq standarttar saqtalǵan. Tańerteńnen beri ózge de halyqaralyq baıqaýshylarmen birge birneshe saılaý ýchaskesinde boldyq. Eń bastysy, qaýipsizdikkke joǵary kóńil bólingen», - deıdi halyqaralyq baıqaýshy.
Eske sala ketsek, QR Ortalyq saılaý komıssııasy Qazaqstan Respýblıkasy Prezıdentiniń saılaýyn baıqaý úshin 1 013 baıqaýshyny akkredıttedi. Onyń ishinde: 866 baıqaýshy 9 halyqaralyq uıymnan jáne 147 baıqaýshy 41 shet memleketten.
