Shańdy daýyl turyp, qar aralas jańbyr jaýady, úsik júredi - Qazgıdromet
ASTANA. KAZINFORM - 2 qyrkúıekke Qazaqstannyń 16 oblysynda, sondaı-aq Astana men Almaty qalalarynda kún raıyna baılanysty eskertý jarııalandy, dep habarlaıdy Kazinform agenttigi «Qazgıdromet» RMK-ǵa silteme jasap.
Óńirlerde qatty jel soǵyp, jańbyr jaýyp, naızaǵaı oınap, tuman túsedi. Sondaı-aq úsik júrip, joǵary jáne tótenshe órt qaýpi saqtalady. Keı jerlerde jańbyr aralas qar jáne qar jaýady.
Abaı oblysynyń soltústigi men ortalyǵynda jańbyr jaýyp, naızaǵaı oınaıdy. Túnde jáne tańerteń ońtústigi men shyǵysynda tuman túsedi. Soltústik-batystan jel soǵady: túnde oblystyń batysy men soltústiginde, kúndiz soltústigi, shyǵysy men ortalyǵynda jeldiń jyldamdyǵy 15–20 m/s, ekpini 23 m/s-qa deıin jetedi. Túnde shyǵysy men ońtústiginde aýa temperatýrasy 1–3 gradýsqa deıin tómendep, úsik júredi.
Aqmola oblysynda túnde jáne tańerteń oblystyń batysy men soltústiginde tuman túsedi. Túnde batysy, soltústigi men shyǵysynda aýa temperatýrasy 2 gradýsqa deıin tómendep, úsik júredi.
Astanada túnde topyraq betinde 1 gradýsqa deıin úsik júredi.
Aqtóbe oblysynyń soltústik-shyǵysy men ortalyǵynda joǵary órt qaýpi, al oblys boıynsha tótenshe órt qaýpi saqtalady. Aqtóbe qalasynda da tótenshe órt qaýpi saqtalady.
Almaty oblysynyń ońtústiginde, shyǵysynda jáne taýly aýdandarynda jańbyr jaýyp, naızaǵaı oınaıdy, keı ýaqytta qatty jańbyr jaýady. Soltústik-shyǵystan jel soǵady. Shyǵysy men taýly aýdandarynda jeldiń ekpini 17–22 m/s-qa jetedi. Ortalyǵynda, batysy men shyǵysynda tótenshe órt qaýpi saqtalady.
Almatyda túnde jáne tańerteń jańbyr jaýyp, naızaǵaı oınaıdy. Kúndiz Medeý jáne Bostandyq aýdandarynyń taýly aımaqtarynda da jańbyr jaýyp, naızaǵaı oınaıdy. Jeldiń ekpini 17–22 m/s-qa deıin jetedi.
Atyraý oblysynda tótenshe órt qaýpi saqtalady. Atyraý qalasynda da tótenshe órt qaýpi bar.
Shyǵys Qazaqstan oblysynyń soltústiginde jańbyr jaýyp, naızaǵaı oınaıdy. Shyǵysy men taýly aýdandarynda jańbyr jáne qar aralas jańbyr jaýady. Túnde jáne tańerteń soltústigi men shyǵysynda tuman túsedi. Shyǵystan soqqan jel soltústik-batysqa aýysady. Kúndiz jeldiń jyldamdyǵy 15–20 m/s, batysy men soltústiginde ekpini 23 m/s-qa deıin jetedi. Túnde soltústiginde, shyǵysynda jáne taýly aýdandarynda aýa temperatýrasy 1–3 gradýsqa deıin tómendep, úsik júredi.
Jambyl oblysynyń taýly aýdandarynda jańbyr jaýyp, naızaǵaı oınaıdy. Soltústik-shyǵystan jel soǵady. Ońtústik-batysynda, soltústik-shyǵysynda jáne taýly aýdandarynda jeldiń jyldamdyǵy 15–20 m/s bolady. Tótenshe órt qaýpi saqtalady.
Jetisý oblysynda kúndiz soltústik-shyǵystan jel soǵady. Alakól kólderi aýdanynda jeldiń ekpini 23–28 m/s-qa, keı ýaqytta 30 m/s jáne odan da joǵary bolady. Taýly aýdandarynda jańbyr jaýyp, naızaǵaı oınaıdy. Túnde jáne tańerteń oblystyń ortalyǵy men taýly aýdandarynda tuman túsedi. Shyǵysy men taýly aýdandarynda jeldiń ekpini 15–20 m/s-qa jetedi. Soltústiginde joǵary, ońtústigi men shyǵysynda tótenshe órt qaýpi saqtalady.
Batys Qazaqstan oblysynda tótenshe órt qaýpi saqtalady, oblystyń soltústik-batysynda joǵary órt qaýpi bar.
Qaraǵandy oblysynyń soltústigi men shyǵysynda jańbyr jáne qar aralas jaýyn-shashyn túsedi. Túnde jáne tańerteń batysy men soltústiginde tuman túsedi. Soltústik-batystan soǵatyn jel soltústik-shyǵysqa aýysady. Túnde batysy, soltústigi men shyǵysynda jeldiń ekpini 15–20 m/s-qa jetedi. Túnde soltústigi men shyǵysynda aýa temperatýrasy 3 gradýsqa deıin tómendep, úsik júredi. Oblystyń ortalyǵynda joǵary órt qaýpi saqtalady.
Qostanaı oblysynyń batysynda azdaǵan jańbyr jaýyp, naızaǵaı oınaıdy. Túnde jáne tańerteń batysy men soltústiginde tuman túsedi. Ońtústik-batystan jel soǵady. Kúndiz shyǵysynda jeldiń ekpini 15 m/s-qa deıin jetedi. Túnde shyǵysynda aýa temperatýrasy 1 gradýsqa deıin tómendep, úsik júredi. Soltústik-batysynda joǵary, ońtústiginde, ońtústik-shyǵysynda jáne ortalyǵynda tótenshe órt qaýpi saqtalady.
Qyzylorda oblysynyń ońtústigi men ortalyǵynda shańdy daýyl bolady. Soltústik-shyǵystan, shyǵystan jel soǵady. Kúndiz ońtústigi men ortalyǵynda jeldiń jyldamdyǵy 15–20 m/s bolady. Oblys boıynsha tótenshe órt qaýpi saqtalady.
Mańǵystaý oblysynyń batysy men soltústiginde tótenshe órt qaýpi, ortalyǵynda joǵary órt qaýpi saqtalady.
Pavlodar oblysynyń soltústigi men shyǵysynda jańbyr jáne qar aralas jańbyr túsedi, kúndiz jańbyr jaýyp, naızaǵaı oınaıdy. Túnde jáne tańerteń batysy men ortalyǵynda tuman túsedi. Soltústik-batystan jel soǵady. Soltústigi men shyǵysynda jeldiń ekpini 15–20 m/s-qa jetedi.
Soltústik Qazaqstan oblysynyń batysy men ońtústiginde tuman túsedi. Túnde batysynda, soltústiginde jáne ońtústiginde topyraq betinde 3 gradýsqa deıin úsik júredi.
Ulytaý oblysynda soltústik-shyǵystan jel soǵady. Túnde oblystyń ońtústigi men shyǵysynda jeldiń ekpini 15–20 m/s-qa jetedi. Túnde shyǵysynda topyraq betinde 1 gradýsqa deıin úsik júrýi múmkin. Tótenshe órt qaýpi saqtalady.
Osyǵan deıin jasyl jelektiń bes paıdasy týraly jazdyq.
