Shańdy daýyl, nóser jańbyr jáne 41 gradýsqa deıingi aptap ystyq: 16 óńirde daýyldy eskertý jarııalandy
ASTANA. KAZINFORM — «Qazgıdromet» RMK 29 shildege arnalǵan aýa raıy boljamyn jarııalap, Qazaqstannyń 16 oblysynda daýyldy eskertý jarııalady.
Astana qalasynda kúndiz ótkinshi jańbyr jaýyp, naızaǵaı oınaıdy. Soltústik jeldiń ekpini sekýndyna 15 metrge deıin jetedi.
Almaty qalasynda tótenshe órt qaýpi saqtalady.
Shymkentte soltústik-shyǵystan soǵatyn jeldiń ekpini sekýndyna 15–20 metrge deıin kúsheıedi. Kúndiz aýa temperatýrasy 40 gradýsqa deıin kóteriledi.
Abaı oblysynyń batysynda, soltústiginde jáne ortalyǵynda jańbyr jaýyp, naızaǵaı oınaıdy, kúndiz burshaq jaýýy múmkin. Túnde jáne tańerteń oblystyń soltústiginde tuman kútiledi. Soltústik-batys jáne soltústik jeldiń ekpini sekýndyna 15–20 metrge, kúndiz keı jerlerde 25 metrge deıin jetedi. Oblystyń soltústik-shyǵysynda tótenshe órt qaýpi saqtalady.
Almaty oblysynyń taý bókterinde kúndiz ótkinshi jańbyr jaýyp, naızaǵaı bolady. Taýly aýdandarda soltústik-shyǵys jeliniń ekpini sekýndyna 15–20 metrge deıin kúsheıedi. Kúndiz óńirde aýa temperatýrasy 35 gradýsqa deıin kóteriledi. Oblystyń soltústiginde, batysynda jáne ońtústiginde tótenshe órt qaýpi, shyǵysynda joǵary órt qaýpi saqtalady.
Atyraý oblysynyń batysy men soltústiginde kúndiz azdaǵan jańbyr jaýyp, naızaǵaı kútiledi. Soltústik-shyǵys jeli ońtústik-batysqa aýysyp, ekpini sekýndyna 15–18 metrge deıin jetedi. Oblystyń batysynda 35 gradýsqa deıin aptap ystyq bolady. Óńirde tótenshe órt qaýpi saqtalady.
Aqtóbe oblysynyń batysynda, soltústiginde jáne shyǵysynda jańbyr jaýyp, naızaǵaı oınaıdy. Soltústigi men batysynda kúndiz burshaq jaýyp, daýyl soǵýy múmkin. Jeldiń ekpini sekýndyna 15–20 metrge deıin kúsheıedi. Oblystyń soltústiginde, ońtústiginde jáne ortalyǵynda joǵary, al batysynda, shyǵysynda jáne soltústik-shyǵysynda tótenshe órt qaýpi saqtalady.
Aqmola oblysynyń soltústiginde, ońtústiginde, shyǵysynda jáne ortalyǵynda jańbyr jaýyp, naızaǵaı oınaıdy, kúndiz burshaq jaýýy yqtımal. Soltústik jeldiń ekpini sekýndyna 15–20 metrge deıin jetedi. Batysynda kúndiz 36 gradýsqa deıin ystyq bolady. Óńirdiń batysynda tótenshe órt qaýpi saqtalady.
Shyǵys Qazaqstan oblysynyń soltústiginde, ońtústiginde jáne taýly aýdandarynda túnde jańbyr jaýyp, naızaǵaı bolady. Keı jerlerde qatty jańbyr kútiledi. Kúndiz oblystyń batysynda, soltústiginde jáne taýly aımaqtarynda nóser jańbyr, burshaq jáne daýyl boljanady. Túnde jáne tańerteń tuman túsedi. Jeldiń ekpini sekýndyna 15–20 metrge deıin jetedi. Ońtústigi men ortalyǵynda tótenshe órt qaýpi saqtalady.
Jambyl oblysynda soltústik-shyǵys jeliniń ekpini sekýndyna 15–20 metrge deıin kúsheıip, keı jerlerde 23 metrge jetedi. Óńirde tótenshe, al shyǵysy men ońtústiginde joǵary órt qaýpi saqtalady.
Jetisý oblysynyń taýly aýdandarynda kúndiz ótkinshi jańbyr jaýyp, naızaǵaı bolady. Shyǵysynda jeldiń ekpini sekýndyna 15–20 metrge deıin kúsheıedi. Kúndiz aýa temperatýrasy 35 gradýsqa deıin kóteriledi. Oblystyń soltústiginde, shyǵysynda jáne ortalyǵynda tótenshe órt qaýpi saqtalady.
Batys Qazaqstan oblysynyń batysynda, soltústiginde jáne shyǵysynda jańbyr jaýyp, naızaǵaı oınaıdy. Kúndiz burshaq jaýyp, daýyl turýy múmkin. Jeldiń ekpini sekýndyna 15–20 metrge deıin jetedi. Aýa temperatýrasy 35–38 gradýsqa deıin kóteriledi. Oblysta joǵary, al batysynda tótenshe órt qaýpi kútiledi.
Qaraǵandy oblysynyń soltústigi men shyǵysynda tańerteń jáne kúndiz azdaǵan jańbyr jaýyp, naızaǵaı bolady. Túnde jáne tańerteń tuman túsedi. Batysynda kúndiz 35 gradýsqa deıin ystyq bolady. Shyǵysy men ońtústiginde tótenshe órt qaýpi saqtalady.
Qostanaı oblysynyń batysy men soltústiginde kúndiz azdaǵan jańbyr jaýyp, naızaǵaı kútiledi. Aýa temperatýrasy 35–38 gradýsqa deıin kóteriledi. Oblystyń batysynda, shyǵysynda jáne ortalyǵynda joǵary, al ońtústigi men ońtústik-shyǵysynda tótenshe órt qaýpi saqtalady.
Mańǵystaý oblysynyń soltústigi men ortalyǵynda kúndiz shańdy daýyl soǵady. Soltústik-batys jeliniń ekpini sekýndyna 15–20 metrge deıin kúsheıedi. Oblystyń batysy men soltústiginde joǵary, al soltústik-shyǵysy men ortalyǵynda tótenshe órt qaýpi saqtalady.
Pavlodar oblysynyń soltústiginde, shyǵysynda jáne ońtústiginde ótkinshi jańbyr jaýyp, naızaǵaı oınaıdy. Jeldiń ekpini sekýndyna 15–20 metrge deıin jetedi. Oblystyń shyǵysynda tótenshe órt qaýpi saqtalady.
Soltústik Qazaqstan oblysynyń shyǵysynda túnde jańbyr jaýyp, naızaǵaı bolady. Kúndiz oblystyń batysynda, soltústiginde jáne shyǵysynda jańbyr, naızaǵaı, burshaq jáne daýyl kútiledi. Túnde jáne tańerteń shyǵysynda tuman túsedi. Jeldiń ekpini sekýndyna 15–20 metrge deıin, keı jerlerde 25 metrge deıin jetedi. Kúndiz aýa temperatýrasy 35 gradýsqa deıin kóteriledi. Oblystyń ońtústik-batysynda joǵary órt qaýpi saqtalady.
Ulytaý oblysynyń batysynda kúndiz aýa temperatýrasy 40 gradýsqa deıin kóterilip, aptap ystyq bolady.
Túrkistan oblysynyń batysy men soltústiginde kúndiz shańdy daýyl kútiledi. Soltústik-shyǵys jeliniń ekpini sekýndyna 15–20 metrge deıin, taýly asýlarda 23–28 metrge deıin jetedi. Kúndiz aýa temperatýrasy 40–41 gradýsqa deıin kóteriledi. Óńirde tótenshe órt qaýpi saqtalady, al shyǵysy men ońtústik-batysynda joǵary órt qaýpi kútiledi.
