Shanamen syrǵanaýǵa ketken adamdar Kókjaılaýda úsip qala jazdady
ALMATY. QazAqparat – Almatyda taýǵa shanamen syrǵanaýǵa ketken adamdar úsip qala jazdady, dep habarlaıdy QazAqparat tilshisi.
Olardy Respýblıkalyq jedel qutqarý jasaǵynyń qyzmetkerleri taýyp aldy.
Joǵalǵan adamdardyń týysqandary kezekshi pýltine keshe keshke habarlasqan.
Eki er adam Kók jaılaý shatqalyna shanamen syrǵanamaq bolyp kóterilgen.
Olar ózderimen birge 4-6 jastaǵy eki balany erte shyqqany belgili boldy.
Ekeýi telefonǵa jaýap bermegen soń jaqyndary qatty alańdaǵan.
«Jedel qutqarý jasaǵynda 6 qutqarýshy, 1 kınologııalyq top izdeý jumystaryna kiristi. Olarmen baılanys bolmaǵandyqtan qutqarý toby týrısterdiń yqtımal joldarymen júrdi. Qalyń tuman men qarańǵylyqqa qaramastan izdestirý toby tún jarymynda Úlken Almaty kóli shatqalynda ulyn ertken er adamdy taýyp aldy. 15 mınýttan soń sál joǵaryraq aýmaqta ekinshi ákeli-balaly jup tabyldy»,- dedi Respýblıkalyq jedel qutqarý jasaǵynyń baspasóz qyzmetinen.
Qutqarýshylar olarǵa alǵashqy medıtsınalyq kómek kórsetti.
