Shań-tozańǵa allergııasy bar japondyqtar erekshe ádiske kóshken
ASTANA. QazAqparat - Japonııada tozańǵa allergııasy qozatyn adamdar úshin arnaıy shlem jasap shyǵaryldy, dep jazady ITAR-TASS agenttigi.
Jańa ınnovatsııalyq qurylǵy omartashynyń bas kıimine uqsaıdy. Ol adamnyń moıyny men ıyqtaryn jaýyp, tolyqtaı shań-tozańnan qorǵaıdy. Shlemniń ishine ventılıator men fıltrlar ornatylǵan. Olar syrttan taza aýanyń kelip turýyn qamtamasyz etedi. Degenmen, qurylǵy jasaýshylardyń aıtýynsha, shlemniń bir kemshiligi bar - ventılıatordyń shýylynan sóılesip turǵan adamnyń daýysy estilmeıtin kórinedi. Onyń jumysyn sál aqyryndatyp qoıýǵa bolady, biraq keıin betperdeniń ishinde aýa tarylady-mys.
Jańa qurylǵy ınternette 3,98 myń ıenge ($38) emin-erkin satylýda jáne allergııasy bar adamdardyń ishinde úlken suranysqa ıe bolyp otyr.
