Shań basqan Shetpede taǵy 12 karer tekseriledi
Búginde Mańǵystaý oblysy Mańǵystaý aýdanyna qarasty Shetpe aýylynda qurylys tastaryn óndirýshi 28 kásiporyn bar. Mekemeler tasty ýatý arqyly qıyrshyq tas alyp otyr. Saldarynan Shetpe aýyly karerlermen qorshalǵan jáne kúndelikti qıyrshyq tas óndirý, jarylys, tıeý-túsirý men tasymaldaý jumystary shań kóterilýine sebepker bolady.
Óz kezeginde aýyl turǵyndary sońǵy 10-15 jyldan beri qıyrshyq tas óndiretin karerlerden shań kóterilip, adam densaýlyǵyna zııan kelip otyrǵanyn aıtyp shaǵymdanýda.
Alaıda, sońǵy jyldary karer sany kóbeımese, azaıǵan emes. Sonyń nátıjesinde qorshaǵan ortaǵa kelip otyrǵan zııan áldeqaıda joǵary.
Prokýrorlyq áreket etý aktisi nátıjesinde, Mańǵystaý oblysy ekologııa departamenti «MKDSM» AQ, «TAS» JShS, «Temirtas-1 JShS, «Aıan-Aqtaý JShS, «DIS» JShS jáne «Baı-Beg» JShS-ge Qazaqstan Respýblıkasy ekologııalyq zańnamalarynyń saqtalýy jóninde jospardan tys tekserýler júrgizdi. Inspektorlyq tekserýler kórsetkendeı, ekologııalyq zańnamalardyń óreskel buzylýyna 6 karer tarapynan jol berilgendigi anyqtaldy.
Máselen, «MKDSM» AQ tas qurylysyn óńdeý jumystaryn júrgizý kezinde memlekettik ekologııalyq saraptama qorytyndysy jáne ekologııalyq ruqsatnama bolmaı shyqty. Jobalyq sheshimder de oryndalmaǵan, ıaǵnı shań basý sharalary júrgizilmegen. QR Ákimshilik quqyqbuzýshylyq týraly kodeksiniń 332 jáne 328 baptary saqtalmaǵan. Oryn alǵan zań buzýshylyqtarǵa jol bergen kásiporynǵa jalpy somasy 429 250 teńge kóleminde aıyppul salyndy, sonymen qatar shyǵyn mólsheri eseptelgen, búginde ol 1 079 106 teńgeni qurap otyr.
«TAS» JShS-ne 151 500 teńge aıyppul tóleý mindetteldi, al keltirilgen shyǵyn kólemi 642 954 teńgeni quraǵan. «Temirtas-1» JShS bıýdjetti 252 500 teńgemen tolyqtyrady, keltilirgen shyǵyn 582959 teńgeni quraǵan. «Aıan-Aqtaý» JShS 151 500 teńge aıyppul tóleıdi, keltirilgen shyǵyn mólsheri 115 083 teńgeni kórsetti. «DIS» JShS bıýdjet qazynasyn 126 250 teńgemen tolyqtyrady. «Baı-Beg» JShS 126 250 teńge aıyppul tóleıtin boldy, bul kásiporyn 2 335 038 teńge kóleminde shyǵyn keltirgen.
Sonymen qatar, «MKDSM» AQ ekologııalyq qujattamalaryn qaıtarý jóninde sotqa talap-aryz berildi. Qalǵan 5 kásiporynǵa qatysty ekologııalyq qujattardy keri qaıtarý, ýatqysh qondyrǵylardy jáne tas óndirýdi toqtatý jóninde talap-aryz engizildi.
Sonymen qatar, aldaǵy ýaqytta basqa da karerlerge taldaý jasalyp, prokýrorlyq áreket etý aktisi nátıjesinde QR ekologııalyq zańnamalarynyń oryndalýy jóninde 12 karerge tekserý júrgizý josparlanyp otyr. Atap aıtqanda «Býzachı neft», «Stroı Detal», «AtyraýInjTehnoTsentr», «Shetpe Tas», «Royal Stone Group», «Túpqaraǵan», «Azııa Tas-1000», «Sapsan», «Erjúrek Holdıng», «Kazyna-Mańǵystaý», «Samǵaý karer» jáne «Altyn Arka-XXI» jaýapkershiligi shekteýli seriktestikteri.
Sondaı-aq, Mańǵystaý oblysy ákiminiń orynbasary Baqytjan Kachakovtyń Shetpe aýylyn shań-tozańnan tazartý jónindegi bekitken josparyna sáıkes, ýatqysh jáne basqa da ınfraqurylymdyq qondyrǵylardy Shetpe aýylynan 10 shaqyrym jerge ústimizdegi jyldyń 25 qarashasyna deıin kóshirý jóninde tapsyrma berildi. Sonymen birge shań kóteretin materıaldar tasymaldanyp kelgen 2 avtojol jabylady.
Bul, óz kezeginde, qorshaǵan ortanyń lastaný táýekelin tómendetedi jáne osylaısha ekologııalyq ahýaldyń jaqsarýyna septigin tıgizedi.